M. Bezljudsko

SHTAR PSHALA (poema)

(Al'manaxo romane poeten. - M., 1931. - S. 18-21)


 
Chjupnjari tradela khere guruvnjen,
Kham garadjape palo vesh.
Shtar pshala isys amen -
Jekhdzhino zadzhjava me dro kher.
Daj phuri man oblyja,
Chjamudela muj miro kalo -
Na galyne man o phenja,
Saro sym obchmndlo i melalo.
- "Kaj tu sanas mro chjavo?" -
Phuri daj man rosphuchjela -
"Saro pre tute melalo".
Jasvendyr lav na vyrakirela.
Obdykhjom shtuba me jakhenca,
Na dykhava trine pshalen,
Dajo! So kerdjape mre pshalenca?
Haljov chjurdyne jone tumen?
Daj sdykhja mange dro jakha,
A piro muj jasva prastana:
- "Sare trin... mro chjavoro, hara...
Pashle dre phuv... tyre pshala.
[s. 19]
- Jekh umardo sy dre piben,
Vavir xasija romenca pre chjori,
Tykno pshal myja dro stariben,
Na dzhinom, syr jachjompe me dzhidy".
Ilo miro suvjasa pusade
Phuromnjakire lava -
Trin pshala, adjake xasine.
Mre jakhendyr prastandyne jasva.
Rovava, ne na tanginava len,
Tanginava tol'ki odova,
Bibaxtalo romano dzhiiben -
Dro dzhiiben dykhena o roma.
* * *
- Miri phuri daj. Somas i me dro stariben
Zaplendyn'djompe dro but droma,
Ne me zrakhjom miro sastypen, -
Vash nevo dzhiiben - dro sovjetsko bersha -
Bjel'vjeljenca dro klubo syklyjom
[c.20]
Dyvesa buty keravas me,
Nevo dzhiiben, pirdal buty, me halyjom,
Me poshunava, kana rikiren tume.
"Misha, me pro kursy sykljovava, -
Gana phen miri rakirla, -
"Ekzamjeno pre shofjeroste sygo zdava,
A Ljolja pro rabfako shteto duzhakirla.
- Klasha i e Ljuba sykljona pro rabfaki,
O kak sykljola dro likbjezo -
Bibi sykljola syr te syven
Kana roma paruvena pre khera peskiri shatry,
Paruvena felda pro gadzhitko xulaiben.
[s. 21]
* * *
Me halyjom nevo dzhiibe,
I na zmaravape, kana Ljeninskone dromestyr.
Dajo! Sovjetsko vlast' kakana? -
I me schjurdava phuranype saro pestyr.
Me na dzhjava piro phurano drom,
Adjake kana na dzhivena. -
Dro kolxozo drom udzhindja kana rom,
Akana roma neves zadzhivena.
Otkhinjovava nabutka me,
Dro kolxozo ame vdzhjasa -
Buty te keres lasa sare,
A tu Gane, avesa traktoristkasa.
Chjupnjari tradela khere guruvnjen
Kham garadjape palo vesh
Shtar pshala isys amen
Jekhdzhino achjompe me dro kher.