С. Есенин

ДРО ВЭШОРО ПРЭ ПХУВ ПАТРЯ ПЭРЭНА

(Отговорила роща золотая...)


 
Янкоскэ сарэ Дёса
(To Jan Hancock)
 
Дро вэшоро прэ пхув патря пэрэна,
На ракирэн мирэ совнакунэ.
Барэ дрома чириклорэн кхарэна,
Нэ пал амэндэ на ровэн ёнэ.
 
Палсо ровас? Амэ сам лэ дромэскрэ.
Явьям дро кхэр, нэ на явас кхэрэ.
Гэям аври, явьям сарэ Дэвлэскрэ,
На сам джиндлэ, тэ на явас гиндлэ.
 
Сым екхджено. Балвал э чяр марэла,
Лэ чириклэн традэла дурыдыр.
Мро тэрныпэн дро илоро ровэла,
Киркэс-гудлэс татькирла ман шукир.
 
Ивья э зор чюрдавас бэршорэнца?
Ивья мардя о цвэты иворо?
Дрэ бар о кашт хачёла лэ патрэнца,
На татькирэл мро чёроро ило?
 
Балвал э чарори на хаськирэла,
На хачкирэн да бар о рукхорэ.
О кашт джидо патря тэлэ чюрдэла,
Ядякэ мэ чюрдава лаворэ.
 
Мэк о балвал, сыр да патря холяса,
Мрэ лаворэ, мрэ бэршорэ тэрнэ…
Екхэ лавэса: Дро да вэш годяса
На ракирэн бутыр совнакунэ.
 
Потребовались услуги лаборатории 3d печати. Подробнее тут | Каждый может оформить литье изделий из пластмассы на заказ у нас на сайте.