S. Yesenin

DRO VESHORO PRE PHUV PATR'A PERENA

(Resignation theme after Sergei Yesenin famous poem Otgovorila roscha zolotaya)


 
Yankoske sare dyosa
(To Jan Hancock)
 
Dro veshoro pre phuv patr'a perena,
Na rakiren mire sovnakune.
Bare droma chirikloren kharena,
Ne pal amende na roven yone.
 
Palso rovas? Ame sam le dromeskre.
Yavyam dro kher, ne na yavas khere.
Geyam avri, yavyam sare Devleskre,
Na sam djindle, te na yavas gindle.
 
Sim yekhdjeno. Balval e char marela,
Le chiriklen tradela duredir.
Mro ternipen dro yiloro rovela,
Kirkes-gudles tat'kirla man shukir.
 
Ivya e zor churdavas bershorentsa?
Ivya mard'a o tsveti yivoro?
Dre bar o kasht xachola le patrentsa,
Na tat'kirel mro chororo yilo?
 
Balval e charori na xas'kirela,
Na xachkiren da bar o rukhore.
O kasht djido patr'a tele churdela,
Ad'ake me churdava lavore.
 
Mek e balval, sir da patra xol'asa,
Mre lavore, mre bershore terne
Ekhe lavesa: Dro da vesh god'asa
Na rakiren butir sovnakune.