о. Дмитрий (Д. Иванов)

ГИЛЯ

* * *

Кирива ту, кирива, а кэды мэ мэрава,
И ту лэса, кирива, ман тэ рипирэс,
Ту поманг Дэвлэс по мандэ, пи бравинта набут,
Да и збагэ ту илэстыр, чава, романэс,

Проджиндём мэ, сыр джиндём, бэшавас мэ ромэнца,
Пал сарэ ромэндэ, морэ, мэ мангдём Дэвлэс,
Мро ило и джиипэн мэ спхандём тумэнца,
Да и збагэ ту илэстыр, чава, романэс,

Амарэ бэрша, чавалэ, сыр ґрая нашена,
И ни сыр дро шталы лэн тэ на затрадэс…
Ту прости ромэн, Дэвэл, кэды на кандэна,
Дэвла, простинэ, ёнэ дживэна романэс.

* * *

Дро форо амаро рома бэшэнас,
А мэ тыкненько сомас роклоро,
Ёнэ дро шатры, дыкх, лынаскирэс джювэнас,
Мэ на джиндём - джиипэн лэндэ саво,

Но мэ камавас тэ дыкхав прэ лэндэ,
Савэ же лэндэ рангирэ ґрая,
Дро ех дэвэс, тумэ ман простинэнти,
Конечно ех ромны ман обчёрдя,

Но мэ простил, и манге не обидно,
Тэрнэ бэрша, карик тумэ гэнэ?
Кочующих цыган давно не видно,
Но манге интересно: кай ёнэ?

Кай одолэ ромня барэ ґалбэнца,
Грая и шатры, свэнки романэ?..
Дэвэл Иисус, Ту яв мирэ ромэнца,
Ту лиджя лэн - тэ на хасён ёнэ.

* * *

Мрэ пшала, збагаса о гелы, авэн,
Дэвла, Масхарьяса простинэ амэн,
Милосердно Дэвла, бечав амэнге бах(т),
И сарэ бидэндыр Ту амэн заракх,

Дэвла, прославляет Тут мири душа,
Ту сан Хулай, амэ - Трэ мануша,
Дэвла, Ту полэса амарэ дрома,
Дэвла, Ту джинэса, кай сы трэ рома,

Помоги же тэ лиджяс амаро трушил,
Дэ амэнге тэ патяс и заракх амэн,
Милосердно Дэвла, статькир о ило,
Туса манушеске дро джиипэн светло,

Мрэ пшала, збагаса о гелы, авэн,
Дэвла, Масхарьяса простинэ амэн,
Тэ явэл амэнге радость впереди,
Господи Иисусе, Ту сан Свэнты Патради.

* * *

Со ту Лена, чай бари,
На джинэс о буквари?
Лэ букварь сыклёв фэдыр,
И т'авэс годьварэдыр.