V. S.

VERSES

(Based on Psalms in Romani translation by Valdo Kalinin)


 
I want to explain, why I have decided to avoid ending rimes. Nos 6, 16, 131, 142, 150 were partly supplied with rimes, but later I changed texts, when started to look for some tunes, which could be conventional samples for singers and composers, and when I tried to imagine, how it could be performed. Texts of this genre should be very serious, solemn, and in this case ending rimes create sensible disharmony with the style of the whole. As on me, ending rimes sound chip, like chastushka I saved them in no 16, because it has long lines. On the other hand, some inner rimes situated irregularly help to catch some parallels of ideas between lines and verses, and I use them very carefully. I believe, this decision is optimal, because Russian Church songs have no rimes, as well as Romani folklore songs, dol'ova gil'a and so on, where serious emotion to be expressed. And I keep in mind both, when work with psalms. That is my opinion about form of verses in brief.
V. S.
 
PSALMO 4
(Sample of tune: "Prosti månja za vsjo", V.Tumanskij)
Stressed syllables: Ser mE kharAva TUt, otphEn Tu mAnge, DEvla
 
1 Ser me kharava Tut, otphen Tu mange, Devla,
pir miro cacipen, pir miro cacipen.
Ser tasado pejom, zrakhjan Tu man, mro Devla, -
potangine Tu man, poshun mro mangipen.
2 Ser but tumenge sin, raklore manushitka,
pe miri slava na-mishtes te rakiren?
Ser but tumenge te kamen droma grexitka?
Ser but tumenge te roden xoxaiben? Adjake!
3 Djinen tume, so Jov vash Peske rikirela
tel Peskro vast jåkhen murshen devlitkonen:
Ser me kharava Les, Devel man ushunela,
pir miro cacipen, pir miro cacipen.
4 Izdran tume sare i grexi na keren,
dre peskire ile jåkh shtilipen latxen. Adjake!
5 Janen deibena sventone cacipnaske
i dopatjan tume jåkh Raske Jehovaske.
6 Rakirna manusha: "Kon sikavel amenge,
so sin do lachipen?" - rakirna diline.
O drom ko lachipen amenge sikavela
jåkh Tiro svento Muj, - sir na dikhen jone?
7 Tu but xaben, piben dejan vash manushenge,
Mire ileske Tu dejan buter, ser lenge.
8 Me som pashlo, suto - dre Tiro svento miro,
i Tu san Jekhdjino, kon desa mange miro.
 
PSALMO 6
(Sample of tune - "Geja Gulja")
Stressed syllables: RAja DEvla, nA bangjAkir mIri mEn
 
1 Raja Devla, na bangjakir miri men,
k'ådi Tu dråvan pe mande xoljasos,
na chuv pe miro shero Tiri xolin,
k'ådi Tu pe mande san xoljasino.
2 Tu potangine man, bi-zorjakires,
Tu sastjakir mre kokale te na zdran.
3 Miro di izdrala, Devla, ser patrin,
ser Tut, Raja, me hara uzhakirav?
4 Risjov, Raja, zrakh jåkhater miro di,
vash Tiro baro ko sveto lachipen,
5 pal-dova so na ripirla Tut mulo,
na slavinel Tut groboster xasino!
6 Me adjake mre jasvender khinejom,
Tu rati shunesa miro roiben,
sari rat kindjol jasvender miro muj,
mre gada kirke jasvender kindine.
7 Na dikhena mre jakha buter mishto,
xoljamender manushender korine.
8 Djan krig mander sare dole manusha,
ser Tu, Devla, ushundjan mro roiben.
9 Ushundjan, ser zorales me Tut mangjom,
prilejan miri molitva xackirdi.
10 Mek sare te zdran ladjater xoljame,
te prastan jone pale ladjakirde.
 
PSALMO 16
(Sample of tune - "Nå otråkajutsja ljubja")
PrirAkh man, DEvla, pAl-dovA // ser mE garAdjovAv dre TUte.
 
I.
1. Prirakh man, Devla, pal-dova // ser me garadjovav dre Tute.
2. Phendjom: Tu san mro Raj Devel; // saro mro kucipen sin Tuter.
3. Tre sventa hazdene pre phuv, // i ke jone mro di urnjala.
4. Mek bibaxt te barjakiren // dole, kon ke vavir prastana:
A me vash devlore mule // ratesa zhertvi na cxuvava,
I lengre melale nava // mire vushtentsa na kharava.
5. Mro Raja! Tute sin saro, // so doresava - bichavesa;
Tu rikiresa djiipen // i baxt chaveske paruvesa.
6. Phuv mange Tu dejan shukar, // kuc mishtipen man radinela.
7. Javava Tut te slavinav, // Ras, Savo man sikljakirela;
II.
Javava Tut te slavinav, // Devles, Kon man sikljakirela;
Patjala mro ilo - rati, // karik te djav, mange phenela.
8. Tu nadur mander, me shunav, // Tut kazhno molo ripirava,
Tu mre cace rigater san, // i me zorjasa terdjovava.
9. Miro ilo sin loshalo, // mire vushta Tut slavinena;
patjava Tuke - mre masa // otkhiniben peske latxena.
10. Påkloster Tu zrakhesa man, // peskre cxaveske tu na desa
mange dre phuv te kirnjovav, // ser me patjandejom ilesa.
11. Tu sikavesa mange drom // ke radima bari pash Tute,
mri baxt dre Tiro vast caco, // mro di garadino dre Tute.
 
PSALMO 131
(Sample of tune - "Vano-gulivano", muzika - Alåksandr Kolpakov, performer Låonsija Erdånko)
RAja JAhva! NA phutjOla mIro dI
 
1. Raja Jahva! Na phutjola miro di,
na dikhena baripnasa [=vucipnaster] mre jakha,
na rodava, so sin mander bareder,
mire godjater vucider te haljovav.
2. Rikiravas miro di, ser tiknores,
savo dater kolindester otlino:
sa rovelas miro di, ser chavoro,
savo sin dater kolindester otlino.
3. O, Izrailjo! Tu patja dre Devles[te]
te patjas tu kakana - pre shel-bersha.
 
PSALMO 137
(Sample of tune: "Odoj pashe reka, doj roma terdenas...")
BEshte pAshe rEki, dOj ke VavilOno
 
1. Beshle pashe reki, doj ke Vavilono,
ame rundle samas, ripiri Siono.
2. Pe kashta dre foro, mashkir baro foro,
odoj ubladjam-me bashadja amenge.
3. Kon amen trade doj, kon amen starde doj,
jone zamangenas gilori amender;
Kon amen trade doj, kon amen starde doj,
zamangenas peske radima amender:
- "Ne, bagan amenge jåkh tumare gilånder".
4. Ser ame te bagas gili sir Devleske
dur pe rig, kaj nane radima ileske?
5. Ser me tut bistrava, O Jerusalimo,
mek man te bistrel mro vast caco jåkhater;
6. ser na ripirava me tut, svento foro,
mek te merel mande miri cib jåkhater;
ser me na javava te sharav buter tut -
san buter sarender radima ileske.
7. Ripir, Raja Devla, odole rodoske,
so jone kerenas amare foroske:
- "Phagen les saresa! Pir bara baresa!".
So jone kerenas amare foroster,
8. Te risjol pe tute, chaj Vavilonoster.
Te javel baxtjasa, kon tuke pleskirla,
kon tuke pleskirla, ser tu pleskiresa:
9. kon tuke pleskirla, tre tiknen uxtilla,
tre tiknen uxtilla - pir bara sheresa.*
*Adale lava pe agor (ånjato stixo) nashti te bagas dre khangiri.
 
PSALMO 142
(Sample of tune - "Duj churja", Z.Kikina)
VzmangjOmpe zOralE glosjAsa kO DevEl
 
1. Vzmangjompe zorale glosjasa ko Devel.
Sare ilester angil leste viphendjom
i sikadjom miro ilitko pharipen, (Devlale!)
i sikadjom miro ilitko kirkipen
3. Kana o di saro dre mande zameja,
jåkhater Tu mishto dikhesas, kaj phirdjom, -
man pro da drom baro starenas nalache. Devlale!
man piro drom baro starenas xoljame.
4. Pe caco rig kana me, Raja, podikhtjom:
ni jåkh nane miro lacho djindlo manush,
nikaj nane buter te man garadjovav, Devlale!
nikon nane buter pal mande te dikhel.
5. Kharavas Tut kirke jasventsa, Devlores!
Phendjom: Mro Raja, mande jåkhoro tu san
Tire zorjasa man kana te garaves, (Devlale!)
pre phuv mashkir djidende Tu san miri baxt!
6. Poshun, ser me kirkes rovava pal-dova,
ser dogijom kana saresa me saro,
Tu trade odolen, save tradena man, (Devlale!)
ser bi-Tiro me som - jone zoraleder!
7. Jan staribnaster Tu pre volja miro di,
javava te sharav me Tiro svento nav.
Cace mursha sare pash mande skedine, (Devlale!)
ser Tu baxtjakirel man, Devla, barvales.
 
PSALMO 150
(Sample of tune - "Kak xoroshi, kak svåzhi bili rozi")
 
1. Aliluja.
Sharen Devles dre Leskri Kxangiri:
dro bolibnitko shatra Les sharen.
2. Sharen pal Leskiro zoralipen;
pal Leskro baripen sharen Devles.
3. Sharen Les zorale bashaibnasa,
pe luta i pe gusli Les sharen.
4. Sharen pe bubno Les i khelibnasa,
pe struni bashadjasa Les sharen.
5. Sharen Devles pe zorale tsimbali,
bare-zanjakire glosjasa Les sharen.
6. Saro djido mek te sharel Devles.
Aliluja.