Шаповал - Переводы разных лет

В. В. Шаповал

ПЕРЕВОДЫ РАЗНЫХ ЛЕТ

15.11.1988 (с украинского); - Мири чяёри,; Санори-шукар!; Джя-ка ту ко вэш,; Кай барьола чяр.; - Мири чяёри,; Учи-шукарны!; Джя-ка ту ко вэш,; Кай суто паны.; - Одой про паны; Цвэты сы парны,; Чяр выбария. -; Амэ бэшаса. -; Кхэрэ бутяса; Э дай кхиныя.; - Дужакирэла; Амэн э чяр,; Э дай совэла.; - Нанэ э дар!; Саро штыл аври,; Кай э чяр ковлы,; Никонэс нанэ,; Сама дуйдженэ!; Хачкирдэ чибьяса; Тутыр мэ мангав…; Екх э рат чярьяса; Шунел одо лав.; Чёрданэс hаздаса; Амэ о сабэн…; Екх о чён ладжяса; Дыкхэла дуйэн.; - Мангэ ладжяво,; Чён сы якхало:; Трэби тэ нашэл; Ёв - тэ на дыкхэл.; Сыр ячяса чяса; Амэ дуйдженэ,; Со тэ кэрас ласа; Лас' амэ, тэрнэ?; // Микола КОСТОМАРОВ.; Укранськi поети-романтики. -Кив: Наукова думка, 1987. -С. 181 - 182.; 15. 11. 1988 (с украинского); Бида мангэ, хасював; Калорэ пхувьендыр;; Карик мангэ тэ прастав,; тэрнорэскэ, лэндыр?; И дывэс, и рат костём,; - Нанэ дром чяендыр!; Катыр бида? - Галыём:; Мрэ калэ пхувьендыр!; ………………………; Сыг мануш попхурия; Ядэлэ дывэстыр,; Сыр лынэ тэ сан чяя; Тэрнорэ муршэстыр?; ……………………….; Фэдыр мангэ тэ чюрдав; Йилоро Рыченгэ,; Тэ мэрав, тэ на патяв; Амарэ чяенгэ!; Саек-саек хасював; Калорэ пхувьендыр!; Ой, карик же тэ прастав; Тэрнорэскэ лэндыр?!; // Михайло ПЕТРЕНКО.; Укранськi поети-романтики. -Кив: Наукова думка, 1987. - С. 296.
: 15. 11. 1988 (с белорусского); НА ДЫКX ...; На дыкх бутыр прэ мандэ, на дыкх, джя аври,; Мэ тутыр би годякиро - раты-дывэс?; Ту прэ мандэ сандян ... Джя аври, лачёри,; На хаськир мро шэро, на хохав чёрорэс!; Хачькирдэ мро ило трэ шылалэ якха, -; Трэ якхэндыр нанэ мангэ воля бутыр:; Палэ тутэ прастав, палэ тутэ дыкхав,; Кана тут мэ кошав, кана танго тутыр.; На камэса ту ман, ту дыкхэса ваврэн,; Чюмидэса райен - пал лоло сувнакай.; Со мэ тукэ тэ дав - чёрыдыр саворэн,; Про кирко джиибэн на латхьём бахт никай.; Coca мэ, чёроро, тро ило тэ кинав?; Тукэ мандыр на трэби мири гилори.; Пал шэлэнгрэ лила тут кинэла, джином,; Рай баро - тэ явэс э камлы раскири.; // Янка Купала. Вершы i паэмы. - Мiнск.: Мастацкая лiтаратура, 1982. С. 33.; 19.11.1988 (из древнегреческой поэзии); Кобылица молодая,; Честь кавказского тавра,..; (А. Пушкин ); № 58 (nh); Ивья Тхракиятыр кхури-ё,; Якхэнца ту ман хачькирэса,; Нашэса аври, на патяса; Нисыр, со мэ сым годявэр.; Нэ дыкх! Сыг ашвари прэ тутэ; Чюрдава - сыр яг уклистём!; Долого лачо притэрдава,; Санэ дроморэнца прастас.; Чярэса чяраса чялэс ту,; Порэса сыклёс тэ урняс. -; О грэнгиро сым ядалэндыр,; Савэн на дыкхьян англэдыр.; Anacreontis CARMINA accedunt selecta quaedam e lyricorum reliqiis/ Lipsiae, 1829. P. 46. #58 (nh)
: 19. 11. 1988 (с польского); Фелицьян Фаленьский; ПАТРЯ МЭРЭНА, ПЭРЭНА...; Патря мэрэна, пэрэна, тангэс ракирэна...; Лэн ухтылэла балвал, чингирэла, традэла -; Осень! Тутыр насвалёна дрома и калёна,; Тутыр ило насвалёла, родэла, ровэла.; Лэн ухтылэла балвал, чингирэла, традэла,; Патря кхэлэна-кхэлэна-кхэлэна даратыр.; Тутыр ило насвалёла, родэла, ровэла,; Думки аври чингирэлпэ, чингрэлпэ годятыр.; Патря кхэлэна-кхэлэна-кхэлэна даратыр,; Саекх балвал дур кэ чик лэн чюрдэла ригатэ. -; Думы аври чингирэлпэ,чингрэлпэ годятыр,; Палал пэрэна тэла и урняна пхувьятыр.; Саекх балвал дур патря отчюрдэла ригатыр,; Сыр карэдын опрэ пхув чириклен пэравэла.; Думки пэрэна тэлэ и урняна пхувьятыр,; Думки мирэ! Кон тумэн киркорэн дорэсэла!?; Felicjan Falenski. Sciela sie liscie pozolkle // Ksiega wierszy polskich. - Т. 2. - С. 313-314.